اسلامک ساہتیہ ٹرسٹ کی پیش کش: عالمی کتاب میلے میں شہرہ آفاق تفسیرتفہیم القرآن ہندی چہارم کا اجراء

Asia Times Desk

نئی دہلی : (ایشیا ٹائمز)  جماعت اسلامی ہند ہندوستان کی علاقائی زبانوں میں بڑے پیمانے پر اسلامی لٹریچر شائع کر رہی ہے۔جماعت کا ایک بڑا اور قابل قدر کام اہم ہندوستانی زبانوں میں قرآن مجید کا ترجمہ ہے۔مولانا مودودی کے اردو ترجمہ قرآن و مختصر تشریح کو بھی متعدد زبانوں میں منتقل کیا جا چکا ہے۔ مولانا کی تفسیر تفہیم القرآن کا مکمل ترجمہ بنگلہ اور ملیالم زبانوں میں ہوچکا ہے ، ہندی زبان میں جاری ہے۔
اس منصوبے میں مولانا مودودی کا ترجمہ قرآن ، تلخیص تفہیم القرآن اور مکمل تفہیم القرآن بھی شامل ہے ۔ اب تک 400 سے زاید کتابیں ہندی میں شائع ہو چکیہیں ۔ترجمہ قرآن اور تلخیص تفہیم القرآن کا ہندی ترجمہ بھی شائع ہوچکا ہے ۔تفہیم القرآن کی3جلدیں پہلے طبع ہوچکی ہیں اور ان کے 2 اڈیشن نکل چکے ۔ہیں ۔ہندی ترجمہ یہ کام جناب مولانا نسیم احمد غازیانجام دے رہے ہیں
 

تفہیم کی چوتھی جلد کا نیو دہلی ورلڈ بک فیئر میں اجراء عمل میںآیا ۔اس میں محمد اقبال ملا ، سکریٹری شعبہ دعوت ، انتظار نعیم ، اسسٹنٹ سکریٹری شعبہ ملی و ملکی امور ، پرواز رحمانی ، چیف ایڈیٹر سہ روزہ دعوت ، نسیم احمد غازی فلاحی سکریٹری اسلامک ساہتیہ ٹرسٹ، ڈاکٹر محمد رضی الاسلام ندوی شعبہ تصنیفی اکیڈمی اور محمد نیّر ، منیجر مکتبہ شریک ہوئے۔نسیم احمد غازی فلاحی ان دنوں تفہیم القرآن کی پانچویں جلد کا ترجمہ کررہے ہیں ۔ اہم بات یہ ہے کہ ان کی سرپرستی میں اسلامی ساہتیہ ٹرسٹ کے تحت منصوبہ بندی کے ساتھ دینی لٹریچر کو ہندی میں منتقل کیا جا رہا ہے ۔ اللہ تعالی ان کی خدمات کو قبول فرمائے ، آمین ۔

Leave a Reply

Your email address will not be published. Required fields are marked *